1964 இல் இருந்து 1966 காலப்பகுதியில், தமிழ்நாட்டில் ஓலப்பாளையம் என்ற ஊரில் களப் பணிகளை மேற்கொண்ட சமூக மானிடவியலாளர் பேரா. பிரெண்டா பெக் அவர்கள், ஆய்வு உதவியாளர் க. சுந்தரம் அவர்களின் உதவியோடு பல அருமையான மூல வளங்களை சேகரித்தார். கொங்கு நாட்டுச் சேகரம் அந்தக் களப் பணித் தரவுகளில் இருந்து தெரிவுசெய்யப்பட்ட புகைப்படங்கள், ஒலிப் பதிவுகள், ஆவணங்களின் எண்ணிம வடிவங்களைக் கொண்டுள்ளது. இந்தச் சேகரத்தை தொகுக்கும் பணி ரொறன்ரோ பல்கலைக்கழக ஸ்காபரோ வளாகத்தைச் சார்ந்த முதுமுனை பட்ட ஆய்வாளர் சண்முகப்பிரியா அவர்களூடான ஒரு கூட்டுச் செயற்பாடு ஆகும். இந்தச் சேகரம் கொங்கு நாடு தொடர்பான நாட்டுப்புறப் பாடல்கள் (துதிப் பாட்டு, ஊர்த்தொகைப்பாடல், ஒப்பாரி பாடல், வீர பாடல் and பக்தி பாடல் ), நாட்டுப்புறக் கதைகள் (குலமரபுக் கதை, சாதியக் கதை, நீதி விளக்கக் கதை, நீதி விளக்கக் கதை, பழங்கதை) பழக்க வழக்கங்கள், வாழ்வோட்டச் சடங்குகள் தொடர்பான பல்வேறு மூல வளங்களைக் கொண்டிருக்கிறது. 1960 களில் தமிழ்நாட்டின் ஒரு சிற்றூர் பற்றிய ஒர் அரிய பல்லூடக ஆவணப் பதிவாக இந்தச் சேகரம் அமைகிறது.